قبل أيام سمعت ناس يكولون ربع ونص فهمت إن الربع هو 250 والنص هو ال 500 ويمكن الالف دينار يسمونه دينار يعني الناس بالعراق اختصروها من يمهم خوش حجي لكن شوفوا المشكلة وين ...... وكيل وزارة المالية يقول ان البنك المركزي العراقي مصر على تغير العملة في هذا العام مشيرا الى ان هناك مخاطر من ان يسهم تغيير العملة في بروز حالات فساد وأوضح فاضل نبي انه عند استبدال العملة في المصارف وكما حصل في المرات السابقة تزيد احتمالية دس عملة مزيفة بين العملات القديمة التي يتم استبدالها باخرى جديدة وعن تاثير تغير العلمة العراقية قال نبي ان تغير العملة لن ينطوي على أي تاثيرات وستكون قيمة العملة الحديثة نفس قيمة العملة الحالية نفسه .
يعني هل هم جايين ايغيرون شكل الورقة ام لونها ؟؟؟؟
زين من تنطبع ارباع وانصاص ابدول الجوار لان عملتنا ورق ما بي أي حماية مثل باقي عملات العالم وتدخل مليرات مزورة وتندس هذا هو حجي عجبا الحكومة مستعده لهذا السيناريو الحلو ؟
وسؤال اخر هو احنا اقتصادنا المصكع بجيلات البوك والنهب يتحمل بوك اضافي عن هالطريق
شنهي السالفة ،تره محتاجين نفتهم الفلم . لان صار فلم هندي ، والامايه طلعت اخت البطل بالرضاعة والابو طلع ابن الجيران وماله حاجه بيهم .......
بقلم ماجد الزبيدي
11/6/2011, 9:14 pm من طرف 
